«Қызылорда – Жезқазған автомобиль жолының учаскелерін реконструкциялау үшін «ҚазАвтоЖол» ҰК» АҚ мердігерлерді анықтау бойынша екі рет конкурстық рәсім өткізді (2022 жылғы 13 сәуір және 2023 жылғы 17 мамыр). Алайда әлеуетті өнім берушілердің мәлімделген баға ұсыныстары жобаның бекітілген бюджетінен асып кетті (38 %-дан 105 %-ға дейін), - деп жауап берді Олжас Бектенов.
Оның айтуы бойынша, осыған байланысты жобаның сметалық құны қайта есептелді.
«Қайтадан оң қорытынды алғаннан кейін «Мемсараптама» РМК жобаның сметалық бөлімдеріне (2024 жылдың мамыр айының соңына дейін) техникалық-экономикалық негіздеме (ТЭН) түзетіледі», - деп мәлімдеді премьер.
Үкімет басшысының хабарлауынша, регламенттелген рәсімдердің аяқталуын ескере отырып (ТЭН экономикалық сараптамасының қорытындысын алу, республикалық бюджет комиссиясының шешімі, мемлекеттік кепілдік беру туралы үкімет қаулысын қабылдау, жобаны қаржыландыруға кредиттік келісімге қол қою) мердігер ұйымдармен келісімшарттар жасасу және құрылыс жұмыстарын бастау 2024 жылдың 3 тоқсанына жоспарланып отыр.
Сонымен қатар ол, Азия даму банкімен (қарыз алушы) келісім бойынша мердігерлерді анықтау рәсімдерін жеделдету үшін жоба сегіз лотқа бөлінгенін (бастапқыда жоба төрт ірі лотқа бөлінген) және бұл әлеуетті өнім берушілерге қойылатын біліктілікті конкурсқа қатысу үшін тұлғалар шеңберін кеңейте отырып төмендетуге мүмкіндік беретінін атап өтті.
«Бүгінгі таңда 14 тендерлік ұсыныс алынып, оларды бағалау жүргізілді. Осылайша, қарыз алушымен кредиттік келісімге қол қойылғанға дейін мердігер ұйымдар анықталады», - деді премьер-министр.
Бектеновтың мәлімдеуінше, «Қарағанды – Жезқазған» жобасы бойынша Халықаралық қайта құру және даму банкінің қарызын тарту үшін әзірленген ТЭН тиісті қорытынды алу үшін «Мемсараптама» РМК-ға енгізілді (2024 жылғы 15 мамырға дейін), болашақта кредиттік келісімге қол қою үшін заңнамада белгіленген тиісті рәсімдер жүргізіледі. Сонымен қатар 2024 жылғы мамыр айында EPCM-келісімшарт (жобалау, салу және күтіп ұстау) шартымен мердігер ұйымдарды анықтау бойынша конкурс жарияланады.
«Осыған байланысты биылғы жылдың соңына дейін кредиттік келісімге қол қойылып, мердігер ұйымдармен келісімшарттар жасалады. Жолдарды қайта жаңарту бойынша толық ауқымды жұмыстар 2025 жылы кезең-кезеңімен басталады», - деді үкімет басшысы.
Фото көзі: gov.kz